深圳市龙华区晚晴苑养护院紧急启动援助行动，为大埔火灾长者提供免费住宿一个月

對於香港大埔宏福苑火災造成嘅嚴重傷亡，我哋同社會大眾一樣，心情沉重、深感悲痛。呢個艱難時刻，深圳市龍華區晚晴苑養護院積極回應社會關心，為今次火災中受影響嘅居民提供為期一個月嘅免費安置、住宿同日常膳食服務，協助佢哋渡過難關。

晚晴苑養護院具體資料如下：

機構名稱：深圳市龍華區晚晴苑養護院

地址：深圳市龍華區福城街道大水坑社區大三村196棟

我哋希望出一分力，為受災長者提供一個安全、溫暖嘅臨時居所，陪伴佢哋平穩度過呢段困難時期。晚晴苑會繼續關注災情發展，並同社會各界一齊努力，支援受災家庭重建生活，回復平安同穩定。

有需要申請嘅宏福苑居民，可以透過新家園協會聯絡我哋。詳細查詢可以打26727770，向新家園協會新界東服務處陳姑娘或者關姑娘查詢。

地址：新界沙田美林邨美桃樓C座地下104室

⋅ ⋅ ⋅ 深圳市龙华区晚晴苑养护院（←入住咨询 | 收费详情） ⋅ ⋅ ⋅